next up previous
Next: 6 Up: Å cmince Previous: 4

5

1 Voci l' live avou l' istwere del famile da Adan: li djoû ki l' bon Diè fjha l' ome, i l' fijha a s' rishonnance.

2 I l' fijha måle et frumele. I les benixha et lzî dner l' no di «djins» do djoû k' il estît fwaits.

3 Adan aveut cint et trinte ans cwand il out on valet ki lyi rshonnéve: c' esteut come si imådje. On l' loma Set. Après li skepiaedje da Set, Adan vica co ût cints ans, et il ava des valets et des båsheles.

5 Adan aveut nouv cints et trinte ans cwand i mora.

6 Set aveut cint et cénk ans cwand il ava Henok.

7 Après li skepiaedje da Henok, Set vica co ût cints et set ans et il ava des valets et des båsheles.

8 Set aveut nouv cints et doze ans cwand i mora.

9 Henok aveut nonante ans cwand il out Kenan.

10 Après li skepiaedje da Kenan, Henok vica co ût cints et cwénze ans et il ava des valets et des båsheles.

11 Henok aveut nouv cints et cénk ans cwand i mora.

12 Kenan aveut septante ans cwand il out Malaleyél.

13 Après li skepiaedje da Malaleyél, Kenan vica co ût cints cwarante ans et il ava des valets et des båsheles.

14 Kenan aveut nouv cints et dijh ans cwand i mora.

15 Malaleyél aveut swessante cénk ans cwand il out Yéred.

16 Après li skepiaedje da Yéred, Malaleyél vica co ût cints et trinte ans et il ava des valets et des båsheles.

17 Malaleyél aveut ût cints nonante cénk ans cwand i mora.

18 Yéred aveut cint swessante deus ans cwand il out Henok.

19 Après li skepiaedje da Henok, Yéred vica co ût cints ans et il ava des valets et des båsheles.

20 Yéred aveut nouv cints swessante deus ans cwand i mora.

21 Henok aveut swessante cénk ans cwand il out Matîsalé.

22 Après li skepiaedje da Matîsalé, Henok shuva l' voye då bon Diè troes cints ans å long et il ava des valets et des båsheles.

23 Henok vica troes cints swessante cénk ans.

24 Après aveur shuvou l' voye då bon Diè, i disparexha, ca l' bon Diè l' aveut rpris avou lu.

25 Matîsalé aveut cint cwatrè vint set ans cwand il out Lamek.

26 Après li skepiaedje da Lamek, Matîsalé vica co set cints cwatrè vint deus ans et il ava des valets et des båsheles.

27 Matîsalé aveut nouv cints swessante nouv ans cwand i mora.

28 Lamek aveut cint cwatrè vint deus ans cwand il out on valet.

29 On l' loma Noyé. «Ci chal», k' i derit, «i nos soladjrè del dossêye ki nos dvans poirter et del poenne ki nos avans a ovrer so ene daegn ki l' Signeur a måssegnî.»

30 Après li skepiaedje da Noyé, Lamek vica co cénk cints nonante cénk ans et il ava des valets et des båsheles.

31 Lamek aveut set cints septante set ans cwand i mora.

32 Noyé aveut cénk cints ans cwand il out ses troes valets: Sem, Xham et Djafet.


next up previous
Next: 6 Up: Å cmince Previous: 4
Lorint Hendschel 2003-07-03
Pablo Saratxaga 2012-05-12