1 Voci l' famile dås efants da Noyé, Sem, Xham et Djafet. Il avît des efants après les grossès aiwes.
2 Fis da Djafet: Gomer, Magog, Maday, Toubal, Mechek et Tiras.
3 Fis da Gomer: Achkenåze, Rifat et Togarma.
4 Fis da Yavane: Elicha, Tarsis, Kitim et Rodanim.
5 C' est d' zels ki les peupes sitramés so les îleas provnèt. Il avît tchaeke leu payis d' après leu lingaedje, et leu nåcion shuvant leu clan.
6 Fis da Xham: Couxh, Mishrayim, Pout et Canaan.
7 Fis da Couxh: Seva, Awila, Savta, Rayema et Savteca. Fis da Rayema: Sala et Dédan.
8 Couxh out èn efant, on lomé Nimrod, k' out bråmint del foice sol tere.
9 I fout eto on mwaisse tchesseu pa dvant l' Signeur. S' apinse li spot: «Come Nimrod, mwaisse tchesseu pa dvant l' Signeur».
10 Les pus grandès veyes di si rweyåme, c' esteut Babel, Érek, Acad et Calné, totès veyes do payis d' Chineyår.
11 Adon, i nd ala so l' Assireye et basti Ninive, Rehobot Hir, Calaxh,
12 Et Ressen, etur Ninive et Calaxh.
13 Mishrayim fout l' pere des djins di Loud, di Eynam, di Leyav et di Naftouwa,
14 les djins di Patrous, les cis di Caslouwa (c' est di d' la ki les Filistins provnèt) et les cis di Caftôr.
15 Li prumî efant da Canaan fout Sidon. Adon i gn out Et,
16 li Djezubite, l' Amorite, li Guirgachite,
17 li Hivite, l' Arkite, li Sinite,
18 l' Arvadite, li Cémarite, l' Amatite. Adon, les tribus des Cananeyins end alît erî d' onk l' ôte
19 et leu teritwere si stinda dispu Sidon, do costé di Guerår, djusk' a Gaza, dilé Sodome et Gomôre, et djusk' a Lecha, après Adma et Sevoyim.
20 Ces la, c' esteut les efants da Xham ki, shuvant leu tribu et leu lingaedje, s' ont rashonné po fé des payis et des nåcions.
21 Sem out èn efant eto; cist efant la fout l' pere da tos les cis d' Éber.
22 Fis da Sem: Élam, Assour, Arpakchad, Loudi et Aram.
23 Fis da Aram: Ous, Oul, Guéter et Maxh.
24 Arpakchad out Tchéla et Tchéla out Éber.
25 Tant k' a Éber, il out deus efants. Li prumî, on l' loméve Reley, ca c' est tins k' i vikéve ki l' tere a stî dispårteye. Si fré, on l' loméve Yoctan.
26 Yoctân out Acnodad, Chelef, Acharmawet, Yera
27 Adoram, Ouzal, Dicla,
28 Oval, Avimayel, Sabor,
29 Ofir, Awila et Yovav: tertos des efants da Yoctan.
30 I viként sol tere ki va dispu Mecha djusk' a Sefår, li cresse do levant.
31 Ces la, c' esteut les efants da Sem, ki, d' après leu tribu et leu lingaedje, s' ont rashonné po fé des payis et des nåcions.
32 Voci les tribus dåzès efants da Noyé d' après leus familes rashonnêyes po fé des nåcions. C' est a pårti d' zels ki l' tere a stî dispårteye, après les grossès aiwes, po fé des nåcions.